бичлэгЭцэг эхэд өгөх бяцхан зөвөлгөө
Хүүхэд 3-5 насандаа аливаа зүйлийг танин мэдэх гэсэн гэнэн агаад цайлган хүсэлд хөтлөгддөг. Тиймээс тэд зогсоо зайгүй шулганан эцэг эх болон ах эгчдээ янз бүрийн асуулт тавина. Заримдаа бүр яршиг төвөг гэмээр асуултуудыг ч тэд эцэж цуцалгүй тавьдаг. "Би хаанаас гарсан бэ", "Дүү яагаад уйлдаг вэ" гэх мэтийн зүйл асуух нь энүүхэнд. Хамгийн гол нь хүүхдийнхээ асуултанд хариулахаас бүү төвөгшөөгөөрэй.
Хүүхэд гол төлөв эцэг эхээсээ их асууж шалгаадаг. Энэ нь эцэг эхдээ бусдаас илүү итгэж байгаа хэрэг юм. Харин та найрсаг хандаж хүүхдийнхээ сэтгэхүйд таарсан хариултыг хэлэх , хэрэгтэй. Худал хэлж огт болохгүй. Хамгийн гол нь хүүхдээ хүнлэг энэрэнгүй болгон хүмүүжүүлэхэд таны хариулт чухал нөлөө үзүүлнэ.
